Connect with us

Kerala

അന്നശ്രീ ഓണ്‍ലൈന്‍ ഫുഡി ആപ്പുമായി കുടുംബശ്രീ

Varthamanam Bureau

Published

on

തൃശൂര്‍: സംരംഭകരുടെ രുചികരമായ ‘ഭക്ഷണം ജനങ്ങളിലേക്ക് എത്തിക്കുന്നതിനായി അന്നശ്രീ ഓണ്‍ലൈന്‍ ആപ്പുമായി കുടുംബശ്രീ. തൃശൂര്‍ ജില്ലയില്‍ കോര്‍പ്പറേഷന്‍ പരിധിയിലാണ് പ്രാരംഭ‘ഘട്ടത്തില്‍ ഈ ഓണ്‍ലൈന്‍ സേവനം ലഭിക്കുന്നത്. നഗരപരിധിയിലെ മൂന്ന് വിമന്‍സ് ഫുഡ്‌കോര്‍ട്ടുകളില്‍ നിന്നും അടാട്ട് പഞ്ചായത്തിലെ വിമന്‍സ് ഫുഡ് കോര്‍ട്ട്, മെഡിക്കല്‍ കോളേജ് കഫെ കുടുംബശ്രീ എന്നിവിടങ്ങളില്‍ നിന്നുമാണ് കുടുംബശ്രീയുടെ കൈപ്പുണ്യം വീട്ടിലെത്തുക. 40 രൂപയ്ക്ക് ഉച്ചയൂണ്, 70 രൂപയ്ക്ക് മിനി സദ്യയും, കോംബോ മീല്‍സും മറ്റ് പ്രാദേശിക രുചികളും ഓണ്‍ലൈനിലൂടെ ല‘ഭിക്കും. കോവിഡ് പ്രതിരോധിക്കാനാവശ്യമായ ആരോഗ്യകരമായ ‘ഭക്ഷണരീതി പ്രചരിപ്പിക്കുകയാണ് ഇപ്പോള്‍ ഈ ആപ്പിന്റെ ലക്ഷ്യം. ഇതിനായി കുടുംബശ്രീ സംരംഭകര്‍ക്ക് പ്രത്യേക പരിശീലനം നല്‍കിയിട്ടുണ്ട്. ഓര്‍ഡര്‍ ചെയ്യുന്ന ‘ക്ഷണം ഉപഭോക്താക്കള്‍ക്ക് എത്തിക്കുന്നതിന് കുടുംബശ്രീ അംഗങ്ങളായ പ്രത്യേക പരിശീലനം നേടിയ വനിതകളുണ്ട്. കുടുംബശ്രീ ജില്ലാ മിഷന്റെ കീഴിലുള്ള യുവശ്രീ സംരംഭവും പരിശീലന സ്ഥാപനവുമായ ഐഫ്രവുമാണ് ഈ ആപ്പ് രൂപകല്‍പ്പന ചെയ്തിരിക്കുന്നത്. വിതരണം, പാക്കിങ്, ഗുണമേന്മ ഉറപ്പു വരുത്തല്‍, നിരന്തരമായ പരിശീലനം തുടങ്ങി വിവിധ തൊഴില്‍ സാധ്യതകളും ഇതുവഴി ഉറപ്പുവരുത്തുന്നു. സാധാരണക്കാരായ സംരംഭകരുടെ ഉപജീവനം മെച്ചപ്പെടുത്തുകയും പ്രാദേശിക സാമ്പത്തിക വികസന പ്രവര്‍ത്തനങ്ങള്‍ മെച്ചപ്പെടുത്തുകയുമാണ് ആപ്പിന്റെ ലക്ഷ്യം. ഇതിന് പുറമേ കുടുംബശ്രീയുടെ മറ്റു ചെറുകിട സംരംഭകര്‍ തയ്യാറാക്കുന്ന വിവിധതരം അച്ചാറുകള്‍, കറി പൗഡറുകള്‍ വൈവിധ്യമാര്‍ന്ന ഉല്പന്നങ്ങള്‍ എന്നിവയും ലഭ്യമാകും. ഗൂഗിള്‍ പ്ലേസ്‌റ്റോറില്‍ https://play.google.com/store/apps/detailsid=com.anna-shree.aifrhm എന്ന ലിങ്കില്‍ നിന്ന് ഈ ആപ്പ് ഡൗണ്‍ലോഡ് ചെയ്യാം.

Click to comment

Leave a Reply

Your email address will not be published. Required fields are marked *

Editorial