Connect with us

National

ദേവഗൗഡ രാജ്യസഭയിലേക്ക് മത്സരിക്കും

Varthamanam Bureau

Published

on

ബെംഗലൂരു: മുന്‍ പ്രധാനമന്ത്രിയും ജെഡി.എസ് നേതാവുമായ എച്ച് ഡി ദേവ ഗൗഡ കര്‍ണാടകയില്‍ നിന്നും രാജ്യസഭയിലേക്ക് മത്സരിക്കും. അദ്ദേഹം ഇന്ന് നാമനിര്‍ദ്ദേശപത്രികനല്കും. എച്ച് ഡി കുമാരസ്വാമിയാണ് ട്വീറ്റുകളിലൂടെ ഇക്കാര്യം അറിയിച്ചത്. കോണ്‍ഗ്രസ് അധ്യക്ഷ സോണിയാ ഗാന്ധിയുള്‍പ്പടെയുള്ള നിരവധി ദേശീയനേതാക്കള്‍ ആവശ്യപ്പെട്ടതിന് പിന്നാലെയാണ് ദേവഗൗഡ തെരഞ്ഞെടുപ്പിന് തയ്യാറായത്. ‘മുന്‍ പ്രധാനമന്ത്രി എച്ച്ഡി ദേവഗൗഡ രാജ്യസഭാ തെരഞ്ഞെടുപ്പില്‍ മത്സരിക്കാന്‍ തീരുമാനിച്ചിരിക്കുകയാണ്. പാര്‍ട്ടി നേതാക്കളുടെയും സോണിയാ ഗാന്ധിജിയുടെയും നിരവധി ദേശീയ നേതാക്കളുടെയും ആവശ്യത്തെത്തുടര്‍ന്നാണ് അദ്ദേഹം ഈ തീരുമാനത്തിലേക്കെത്തിയിരിക്കുന്നത്. അദ്ദേഹം ഇന്ന് നാമനിര്‍ദ്ദേശ പത്രിക സമര്‍പ്പിക്കും. നന്ദി ശ്രീ ദേവഗൗഡ, എല്ലാവരുടെയും അഭിപ്രായം മാനിച്ചതിനെന്ന് മുന്‍ മുഖ്യമന്ത്രികൂടിയായ കുമാരസ്വാമി ട്വീറ്റ് ചെയ്തു. 2019 ലോക്സഭാ തെരഞ്ഞെടുപ്പില്‍ തുമകുരു സീറ്റില്‍നിന്നും ദേവഗൗഡ പരാജയപ്പെട്ടിരുന്നു. ദേവഗൗഡയെ പിന്തുണയ്ക്കുമെന്ന് കോണ്‍ഗ്രസ് അറിയിച്ചിട്ടുമുണ്ട്. ഗൗഡയ്ക്ക് പിന്തുണ നല്‍കാനാണ് കെപിസിസിയുടെ തീരുമാനമെന്ന് അധ്യക്ഷന്‍ ഡികെ ശിവകുമാറും വ്യക്തമാക്കി. ഞങ്ങളുടേത് ഒരു മതേതരപാര്‍ട്ടിയാണ്. രാജ്യസഭാ തെരഞ്ഞെടുപ്പില്‍ ബിജെപിയില്‍ നിന്ന് ഒരു മൂന്നാം സ്ഥാനാര്‍ഥി വിജയിക്കാന്‍ ഞങ്ങള്‍ അനുവദിക്കില്ലെന്നായിരുന്നു ഡികെ ശിവകുമാര്‍ പറഞ്ഞത്. 45 വോട്ടുകളാണ് വിജയിക്കാനായി വേണ്ടത്. 34 എംഎല്‍എമാരുള്ള ജെഡിഎസിന് 11 വോട്ടുകള്‍ക്കൂടി ആവശ്യമുണ്ട്. ഗൗഡയെ കളത്തിലിറക്കിയാല്‍ ഇത് എളുപ്പം നേടാനാവുമെന്നാണ് കണക്കുകൂട്ടലുകള്‍.

Click to comment

Leave a Reply

Your email address will not be published. Required fields are marked *

Editorial