![](https://varthamanam.com/wp-content/uploads/2021/04/WhatsApp-Image-2021-04-19-at-9.36.48-PM.jpeg)
തിരുവനന്തപുരം: സംസ്ഥാനത്ത് കോവിഡ് വ്യാപിക്കുന്ന സാഹചര്യത്തില് എസ്എസ്എല്സി ഐടി പ്രാക്ടിക്കല് പരീക്ഷ ഒഴിവാക്കിയതായി മുഖ്യമന്ത്രി പിണറായി വിജയന് വാര്ത്താസമ്മേളനത്തില് അറിയിച്ചു. ഹയര് സെക്കണ്ടറി, വോക്കേഷണല് ഹയര് സെക്കണ്ടറി മൂല്യനിര്ണ്ണയം ജൂണ് ഒന്നു മുതല് ജൂണ് 19വരെയും എസ്എസ്എല്സി മൂല്യനിര്ണയം ജൂണ് ഏഴു മുതല് 25 ജൂണ് വരെയും നടത്തും.
ഹയര് സെക്കണ്ടറി,വൊക്കേഷണല് ഹയര് സെക്കണ്ടറി പ്രാക്ടിക്കല് പരീക്ഷകള് ജൂണ് 21 മുതല് ജൂലൈ ഏഴു വരെയും നടത്തും. മൂല്യനിര്ണയത്തിന് പോകുന്ന അധ്യാപകരെ വാക്സിനേറ്റ് ചെയ്യും. അത് മൂല്യനിര്ണയത്തിന് മുമ്പ് പൂര്ത്തീകരിക്കും. വിശദാംശങ്ങള് ആരോഗ്യ വകുപ്പ് വിദ്യാഭ്യാസ വകുപ്പുമായി ആലോചിക്കുമെന്നും അദ്ദേഹം പറഞ്ഞു.