ത്രീ സെക്കന്റ് ഗ്രൂപ്പ് മിസ് യൂണിവേഴ്സ് മത്സരത്തിന്റെ ഭാഗമായി കൊല്ലം രാവിസിൽ സംഘടിപ്പിച്ച “മിസ് യൂണിവേഴ്സ് കൊല്ലം എഡിഷൻ 2024 ” ഗായത്രി ഗോപിനാഥിനെ ഫസ്റ്റ് റണ്ണർ അപ് നേടിയ ജെനി ഓസ്റ്റിനും സെക്കന്റ് റണ്ണർ അപ് വർഷ വേണുവും ചുമ്പനം നൽകുന്നു
കൊല്ലം:പ്രകാശവർണങ്ങൾ വാരിവിതറിയ അഷ്ടമുടി ലീലാ റാവിസിലെ നിറഞ്ഞ സദസിനു മുന്നിലേക്ക് റാംപിലൂടെ റോക്ക് സംഗീതത്തിന്റെ താളത്തിനൊത്തു സപ്ത സുന്ദരികൾ അവരുടെ സൗന്ദര്യസ സങ്കൽപത്തിലെ കഴിവും ബുദ്ധിയും വ്യക്തിത്വവും പരീക്ഷിക്കപ്പെട്ട വേദിയിൽ വിധികർത്താക്കളുടെ ചോദ്യങ്ങൾക്കും ചടുലമായി മറുപടിയേകി. ഇരുനൂറോളം പേരിൽനിന്ന് തിരഞ്ഞെടുക്കപ്പെട്ട ഏഴു മത്സരാർഥികളാണ് പങ്കെടുത്തത്. വിവിധ മത്സരങ്ങൾക്കു ശേഷം തിരഞ്ഞെടുക്കപ്പെട്ടവരു ടെ അവസാന റൗണ്ട് മത്സരങ്ങ ളാണ് നടന്നത്.
മിസ് യൂണിവേസ്ഴ്സ് കേരളയിൽ പങ്കെടുക്കാനുള്ളവരെ തിരഞ്ഞെടുക്കുന്ന മത്സരമായിരുന്നു ഞായറാഴ്ച വൈകീട്ട് അഞ്ചുമണിയോടെ ആരംഭിച്ചത്.
രാഹുൽ ഈശ്വർ , 2022 ൽ മിസ് യൂണിവേഴ്സ് ഇന്ത്യ ആയിരുന്ന ദിവിതാറായ്, ഡോ.പ്രിയാജേക്കബ് എന്നിവർ വിധി കർത്താക്കളായി.കുട്ടികൾക്കായി പ്രിൻസ് ,പ്രിൻസസ് ,പുരുഷന്മാർക്കായി മിസ്റ്റർ വിഭാഗങ്ങളിലും മത്സരം ഉണ്ടായിരുന്നു. ബുദ്ധിയും കഴിവും വിനിയോഗിക്കേണ്ട വിവിധ റൗണ്ടുകൾക്ക് ശേഷമാണ് ഏഴു പേരെ മിസ് യൂണിവേഴ്സ് കൊല്ലത്തിനായി തിരഞ്ഞെടുത്തത്.
കടുത്ത മത്സരത്തിനോടുവിൽ ഗായത്രി ഗോവിന്ദരാജ് മിസ്സ്‌ യൂണിവേഴ്സ് കൊല്ലം കിരീടം നേടി. ജെനി ഓസ്റ്റിൻ ആണ് ഫസ്റ്റ് റന്നർ അപ്പ്‌. വർഷാ വേണു സെക്കന്റ് റന്നർ അപ്പ്‌ ആയി. കുട്ടികളുടെ വിഭാഗത്തിൽ പ്രിൻസായി ബദ്രിനാഥും പ്രിൻസസ്സായി ആരാധ്യ പി ജിതിനും തിരഞ്ഞെടുക്കപ്പെട്ടു. പുരുഷന്മാരുടെ വിഭാഗത്തിൽ ആൽബൻ ഡെൻസിൽ ഒന്നാമതായപ്പോൾ മിഷാൽ മുഹമ്മദ്‌ രണ്ടാം സ്ഥാനവും, ആർ ജിതിൻ മൂന്നാം സ്ഥാനവും നേടി. ത്രീ സെക്കൻഡ്‌സ് ഗ്രൂപ്പ് ആണ് സംഘാടകർ. മിസ് യൂണിവേഴ്സ് കേരളയിൽ വിജയികളാകുന്നവർക്ക് മിസ് യൂണിവേഴ്സ് ഇന്ത്യയിലും തുടർന്ന് മിസ്സ്‌ യൂണിവേഴ്സ്സിലും പങ്കെടുക്കാനാവും.ത്രീ സെക്കൻഡ്‌സ് ഗ്രൂപ്പ് എം.ഡി.ഡോണ ജയിംസ് സുകുമാരി, ഡോ.രാഖി, ഷോ ഡയറക്ടർമാരായ സ്റ്റെഫി മാത്യു,ഡോ .മിഥുല ,കൊറിയോഗ്രാഫർ രാജ് ശിവം എന്നിവർ നേതൃത്വം നൽകി.
