തമിഴ്‌നാട് മുഖ്യമന്ത്രിയായി ഡി എം കെ നേതാവ് എം കെ സ്റ്റാലിനും 33 മന്ത്രിമാരും വെള്ളിയാഴ്ച്ച സത്യപ്രതിജ്ഞചെയ്ത അധികാരമേല്‍ക്കും.
ചെന്നൈ: തമിഴ്‌നാട് മുഖ്യമന്ത്രിയായി ഡി എം കെ നേതാവ് എം കെ സ്റ്റാലിനും 33 മന്ത്രിമാരും വെള്ളിയാഴ്ച്ച സത്യപ്രതിജ്ഞചെയ്ത അധികാരമേല്‍ക്കും. സ്റ്റാലിന്റെ മകന്‍ ഉദയനിധി ജയിച്ച് നിയമസഭയിലെത്തിയിട്ടുണ്ടെങ്കിലും ഉദയനിധിയുടെ പേര് മന്ത്രിമാരുടെ പട്ടികയിലില്ല. രണ്ട് വനിതകളാണ് മന്ത്രിമാരായിട്ടുള്ളത്.രാവിലെ 9 മണിക്ക് രാജ്ഭവനിലാണ് സത്യപ്രതിജ്ഞ ചടങ്ങ്. ഇന്നലെയാണ് തമിഴ്‌നാട് ഗവര്‍ണര്‍ ബെന്‍വാരിലാല്‍ പുരോഹിത് മന്ത്രിസഭ രൂപീകരിക്കുന്നതിന് എം കെ സ്റ്റാലിനെ ക്ഷണിച്ചത്. 234 അംഗ നിയമസഭയില്‍ ഡി എം കെ അംഗബലം133 ആണ്. ഡി എം കെ മുന്നണിക്ക് 159 സീറ്റുകളാണുള്ളത്‌
