കൊല്ലം: ആശ്രാമം മൈതാനത്ത് നടക്കുന്ന 30 മത് ദേശീയ ജൂനിയർ ബേസ്ബോൾ ചാമ്പ്യൻഷിപ്പിൽ പെൺകുട്ടികളുടെ വിഭാഗത്തിൽ കേരളം സെമിയിൽ പ്രവേശിച്ചു. ബുധനാഴ്ച രാവിലെ നടന്ന പ്രീ ക്വാർട്ടർ മത്സരത്തിൽ ഗോവയെ (20-0)ത്തിനും, പിന്നീട് നടന്ന ക്വാർട്ടർ ഫൈനൽ മത്സരത്തിൽ ഒഡീഷയെ (12-2 )നും പരാജയപ്പെടുത്തിയാണ് കേരള ടീം സെമിയിൽ പ്രവേശിച്ചത്.
ആൺകുട്ടികളുടെ വിഭാഗം ക്വാർട്ടർ ഫൈനലിൽ ഛത്തീസ്ഗഡ് മധ്യപ്രദേശിനേയും, കേരളം രാജസ്ഥാനെയും, മഹാരാഷ്ട്ര ഹരിയാനയെയും, ഒഡീഷ ഡൽഹിയേയും നേരിടും.പെൺകുട്ടികളുടെ വിഭാഗം ക്വാർട്ടർ ഫൈനലിൽ ഡൽഹി ഛത്തീസ്ഗഡിനേയും,
പഞ്ചാബ് മധ്യപ്രദേശിനേയും, ഛണ്ടീഗഡ് ഹരിയാനയെയും നേരിടും. വ്യാഴാഴ്ച കോട്ടർ ഫൈനൽ , സെമീ ഫൈനൽ മത്സരങ്ങളും, 30 ന് ഫൈനൽ മത്സരങ്ങളും നടക്കും.
