ബി.ജെ.പി രോഷത്തിന്റെയും വെറുപ്പിന്റെയും പ്രചാരകർ ; രാഹുൽ
കരുനാഗപ്പള്ളി :ബി.ജെ.പി രോഷത്തിന്റെയും വെറുപ്പിന്റെയും പ്രചാരകർ ആണെന്നും, നരേന്ദ്രമോദിയുടെ ഭരണം ഹിന്ദുവല്‍ക്കരിക്കപ്പെട്ടെന്നും. രാജ്യം ആര്‍ എസ് എസ് നിയന്ത്രണത്തിലെന്നും. ഇതിനെതിരെ ജനങ്ങളെ ഒന്നിപ്പിച്ച് രാജ്യത്തെ ജനാധിപത്യം വീണ്ടെടുക്കുകയെന്നതാണ് തന്റെ യാത്രയുടെ മരമപ്രധാനലക്ഷ്യമെന്നും രാഹുൽ ഗാന്ധി.
അതുകൊണ്ടാണ് ബി.ജെ.പി.യോടും ആർ.എസ്.എസിനോടും നിങ്ങളെ ഈ രാജ്യത്തെ വിഭജിക്കാൻ ഞങ്ങൾ അനുവദിക്കില്ലെന്ന് പറയാൻ ദശലക്ഷക്കണക്കിന് ആളുകൾ ഈ യാത്രയിൽ ചേരുന്നത്. ഈ രാജ്യത്തെ ദുർബലപ്പെടുത്താൻ ഞങ്ങൾ നിങ്ങളെ അനുവദിക്കില്ല, അതുകൊണ്ടാണ് ‘ഭാരത് ജോഡോ’. ഭാരത് ജോഡോയ്ക്ക് പിന്നിലെ ഒരുപാട് ചിന്തകൾ കേരളത്തിലെ മഹാനായ നേതാക്കളിൽ നിന്നാണ്. ഇതൊരു പുതിയ ആശയമല്ല. ഇത് 21-ാം നൂറ്റാണ്ടിലെ ആശയമല്ല, ഈ ആശയം പറഞ്ഞത് ശ്രീ നാരായണ ഗുരു ജി, ചട്ടമ്പി സ്വാമി ജി, മഹാത്മാ അയ്യങ്കാളി ജി. അവരെല്ലാം ഭാരത് ജോഡോ എന്ന ആശയത്തിൽ വിശ്വസിച്ചിരുന്നു.
ഭാരത് ജോഡോ യാത്രയുടെ കൊല്ലം ജില്ലയിലെ പ്രയാണത്തിന്റെ രണ്ടാം ദിവസത്തെ സമാപന സമ്മേളനം പതിനായിരങ്ങള്‍ സാക്ഷിനിര്‍ത്തി കരുനാഗപ്പള്ളിയില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ബി.ജെ.പി പ്രചരിപ്പിച്ച രോഷത്തിന്റെയും വെറുപ്പിന്റെയും ഫലമെന്താണ്? ഇന്ത്യ കണ്ട ഏറ്റവും ഉയർന്ന തൊഴിലില്ലായ്മ. ഞാൻ ഇപ്പോൾ കേരളത്തിലെയും തമിഴ്‌നാട്ടിലെയും തെരുവുകളിലൂടെ നടക്കുന്നു. ഒരു ചെറുപ്പക്കാരൻ എന്റെ അടുക്കൽ വരുമ്പോൾ, അവർ എന്താണ് ചെയ്യുന്നതെന്ന് ഞാൻ അവരോട് ചോദിക്കും. അവരിൽ പകുതി പേരും തങ്ങൾ ഒന്നും ചെയ്യുന്നില്ലെന്നും ബാക്കി പകുതി തങ്ങൾ ചെയ്യുന്ന കാര്യങ്ങളിൽ സന്തുഷ്ടരല്ലെന്നും പറയുന്നു.
ലോകത്ത് ഏറ്റവും കൂടുതല്‍ തൊഴിലില്ലാത്തെ ചെറുപ്പക്കാരുള്ള രാജ്യം ഇന്ത്യയാണ്. ഇതിന് പ്രധാനകാരണം നരേന്ദ്രമോദി അധികാരത്തില്‍ വന്നശേഷം പൊതുമേഖലയിലുണ്ടായിരുന്ന പ്രധാന സ്ഥാപനങ്ങള്‍ എല്ലാം ഒന്നൊന്നായി സ്വകാര്യകുത്തകള്‍ക്ക് തീറെഴുതി. എയര്‍പോര്‍ട്ട് മുതല്‍ റെയില്‍വേ വരെ സ്വകാര്യവത്കരിച്ചുകൊണ്ടിരിക്കുകയാണ്. മോദിയുടെ ഭരണം അവസാനിക്കുന്നതിന് മുമ്പ് ഇന്ത്യയില്‍ ഒരു സ്ഥാപനവും പൊതുമേഖലയിലുണ്ടാകില്ല. രാജ്യത്തെ ജനങ്ങള്‍ മോദിഭരണത്തില്‍ പൊറുതിമുട്ടിയിരിക്കുകയാണ്. തന്റെ യാത്രയില്‍ പങ്കാളികളാകാനെത്തുന്ന പതിനായിരങ്ങള്‍ ഇതിനു തെളിവാണെന്നും അദ്ദേഹം കൂട്ടിച്ചേര്‍ത്തു.
ഒന്നോ രണ്ടോ ദിവസം മുമ്പ്, കേരളത്തിലെ റോഡുകളുടെ പ്രശ്നത്തെക്കുറിച്ച് ഞാൻ പരാമർശിച്ചു, റോഡുകളുടെ നിലവാരത്തിൽ പ്രശ്നമുണ്ടെന്ന് സർക്കാരിലെ ഒരാൾ അംഗീകരിച്ചതിൽ എനിക്ക് സന്തോഷമുണ്ട്. കേരളത്തിലെ റോഡുകൾ മെച്ചപ്പെടുത്തുന്ന മാനദണ്ഡങ്ങൾ സർക്കാർ കൊണ്ടുവരുമെന്ന് ഞാൻ പ്രതീക്ഷിക്കുന്നു. അതുകൊണ്ട് തന്നെ ഈ നിർദ്ദേശവും അവർ സ്വീകരിക്കണം അദ്ദേഹം കൂട്ടിച്ചേർത്തു
ലക്ഷക്കണക്കിന് വരുന്ന കശുവണ്ടിത്തൊഴിലാളികൾക്ക് വേണ്ടി കേരള സർക്കാരിന് ചെയ്യാൻ കഴിയുന്ന ഒരുപാട് കാര്യങ്ങളുണ്ട്. ലോക്‌സഭയിലും ഞങ്ങൾ അത് ഉന്നയിക്കും.
ഇന്നും ഇന്നലെയും, ഞാൻ കശുവണ്ടിത്തൊഴിലാളികളെ കണ്ടു, എല്ലാവരും അഭിമുഖീകരിക്കുന്നത് ഒരേ പ്രശ്‌നങ്ങളാണ് , പക്ഷേ, ഈ വ്യവസായത്തിലെ കാലക്രമേണ ക്ഷയിച്ചു വരികയാണ് .വ്യവസായങ്ങൾ പലതും അപ്രത്യക്ഷമാവുകയും ചെയ്തു. . അവരുടെ വിഷയം ലോക്‌സഭയിൽ ഉന്നയിക്കുന്നതിൽ ഞാൻ അവരോട് പ്രതിജ്ഞാബദ്ധമാണ്. കേരള സർക്കാരിന് ചെയ്യാൻ കഴിയുന്ന ഒരുപാട് കാര്യങ്ങളുണ്ട്, ഞാൻ ഇത് ആക്ഷേപകരമായ രീതിയിലല്ല, വിമർശനാത്മകമായും പറയുന്നില്ല. രാഹുൽ കൂട്ടിച്ചേർത്തു..
രാജ്യത്തെ വീണ്ടെടുക്കാന്‍ നമുക്കൊന്നിച്ച് കൈകോര്‍ക്കാമെന്ന ആഹ്വാനത്തോടെയാണ് അദ്ദേഹം പ്രസംഗം അവസാനിപ്പിച്ചത്. അഡ്വ. എം ലിജു രാഹുലിന്റെ പ്രസംഗം തര്‍ജിമ ചെയ്തു.
ഡി സി സി പ്രസിഡന്റ് പി രാജേന്ദ്ര പ്രസാദ് അധ്യക്ഷത വഹിച്ചു. കെ സി വേണുഗോപാല്‍ എംപി, കെ പി സി സി പ്രസിഡന്റ് കെ സുധാകരന്‍ എംപി, മുന്‍ പ്രതിപക്ഷ നേതാവ് രമേശ് ചെന്നിത്തല, പ്രതിപക്ഷ നേതാവ് വി ഡി സതീശന്‍, കൊടിക്കുന്നില്‍ സുരേഷ് എംപി, കെ സി രാജന്‍, ആര്‍ ചന്ദ്രശേഖരന്‍, എന്‍ കെ പ്രേമചന്ദ്രന്‍ എംപി, റ്റി സിദ്ദിഖ്, വിടി ബലറാം, ചിറ്റുമൂല നാസര്‍, കെ ജി രവി, തൊടിയൂര്‍ രാമചന്ദ്രന്‍, എന്‍ അജയകുമാര്‍, നീലികുളം സദാനന്ദന്‍, എം അന്‍സാര്‍, മണ്ണേല്‍ നജീബ്, മുനമ്പത്ത് വഹാബ്, എഎ അസീസ്, ലീലാകൃഷ്ണന്‍, കെ കെ സുനില്‍കുമാര്‍ തുടങ്ങിയവര്‍ സംസാരിച്ചു. സി ആര്‍ മഹേഷ് എം എല്‍ എ നന്ദിപറഞ്ഞു
.
